حدوتة مصرية

Posted by momen ahmed - -











في كل حتة كانوا بيضربونا". هذا ما قاله شاب في الخامسة و العشرين من عمره مخاطبا هيومان رايتس ووتش. "سألناهم، إحنا بننضرب ليه؟! كأنهم كانوا مش بيتعاملوا مع بني آدمين أصلا... ولا حتى حيوانات ... كأننا شوية وساخة بيضربوها برجليهم


وقال رجل آخر "هما عاقبوني علشان هويتي الجنسية بس، وحكموا عليَّ أبقى مجرم عمري كله. من الآخر، دول قتلوا كل حلم جميل، وكل أمل في المستقبل كان ممكن أحلم بيه



وقال شاب آخر في العشرينات من عمره لهيومان رايتس ووتش: "أنا مش فاهم هما بيعملوا كدة ليه فينا واحنا ما آذيناش حد! .. إحنا مش بنئذي حد. أنا بني آدم ... مش كدة؟! قول لي إني بني آدم. لأ ... أنا عارف إني بني آدم.بس موش قادر أصدق إن حاجة زي كدة حصلت لي".



تعددت الأسئلة، و تكرر سؤال واحد مرارا


اهما ليه بيدمروا مستقبلنا؟



كتب رجل رسالة يسأل فيها: هما ليه بيدمروا مستقبلنا؟ مين سمح لهم بده؟ هما ما اكتشفوش إن مصر مليانة مثليين غير من سنتين بس؟! ليه لازم أعيش بعيد عن أهلي وأصحابي، وعن مدينتي و عن بلدي، و موش عارف حارجع إمتى؟! ليه كنت باشوف نظرة الانتصار في عينيهم و هما بيستجوبوني؟!



وفي إحدى مدن الأقاليم قال رجل آخر بنبرة توسل: "هو ليه الموضوع ده مضايقهم أوي كدة؟! ليه لازم يعذبونا؟! إيه همهم في ده؟! إحنا موش بنيجي ناحية حد تاني. إحنا بنئذي مين؟! هما ليه بيكرهونا كدة؟ ليه؟ ليه؟".

مأخوذ من موقع هيومان رايتس ووتش الخاص بمرقبة حقوق الانسان


لماذا كل هذا؟

لماذا؟

قولوا كلمه كفااااااااااااااااايه عاوزين حقوقنا


عاوزين المجتمع ده يعترف بينا كابني ادمين


ايه قيمه حياتنا لو مخدناش حقوقنا


ايه قيمه حياتنا لورضينا اننا نعيش في الخفاء


ايه قيمة حياتنا لو مرفضناش نظره المجتمع لينا


الحرية للمثليين المصريين والعرب



4 Responses so far.

  1. hassona says:

    في دولة زي مصر لازم تلاي كدة
    بلد كل حاجة فيها متناقض
    لازم يعملوا كدة
    علشان يحسسوا الناس انهم لاسه بتوع ربنا برضة ولسة بيحكموا بالدين
    رغم ان كل حاجة فيها كاكتر للعلمانية من الدين

    بس برضه في امل طلامه بدوا يحسوا بالمثليين
    يبا الدور علينا ان احنا ندور علي حقوقنا بجد ومنخفش

  2. عزيزي مؤمن

    انت قلت جمله في خلال موضوعك فيها كل المفيد هما يعني ماعرفوش ان مصر فيها مثليين الا من سنتين و بس؟

    شوف هما عايزين يلهوا الشعب في اي حاجه عشان مايفكرش يثور علي الغلاء و القوانين اللي كل يوم بيحطوها

    فكل شويه تلاقيهم مسكوا في موضوع و هاتك ياكلام عليه

    كرامه الانسان في مصر بقت ارخص مايكون
    :(
    تحياتي ليك و تقبل مروري في مدونتك المتميزه

  3. romeo says:

    عزيزى مؤمن
    لو انت عايزهم يعترفوا بينا يبقى انت حلمك المرة دى كبير
    انا اقصى انمنياتى انهم يسيبونا فى حالنا
    بس
    مادام مابنأذيش حد
    ولا بنضايق حد

    بس نعمل ابة فى بلدنا المحروسة
    ربنا معانا

    تحياتى روميو

  4. momen ahmed says:

    صديقي hassona
    فعلا الدور المرة دي علينا احنا
    دوري ودورك انى احنا نغير صورتي وصورتك
    لذم نطلق خفنا علشان نوصل لحقوقا
    صديقي اجندا حمري
    اهلا بيك في مدونتي البسيط
    فعلا انا معك في كلامك بس احنا مش لينا ذنب في كل دة احنا بشر نفسنا نعيش في سلام ولذم نعيش في سلام
    صديقي روميو
    انا عرف انى موضوع الاعتراف
    دة كبير شوية ممكن يكون في مرحله قدام شوية بس المرحله الى احنا فيه الطلب فيها بسيط وهو انهم يسيبونا في حالنا مدام احنا مش بنضايق حد ذاي ما انت بتقول